بقلم/هدير مجدى
ا (أصل أنا راجل انتى بنت فى فرق كبير)
الجمله دى بتسمعيها كتير وخصوصا لما يبقى فى مناقشه واختلاف فى وجهات النظر بينك وبين الإنسان إلى انتى مرتبطه بيه ؛ لما يبدأ يحس انو هيوصل معاكى لطريق مسدود؛ فيبدأ بالجملة دى يحرم عليكى إلى بيحللو لنفسو ويثبتك بكلمتين اصل انا بحبك وبخاف وبغير عليكى وانتى طبعا لأنك بتفكري بعواطفك تبداى تصدقى انو فعلا بيخاف عليكى ؛ولو فضلتى مصممه ع وجهه نظرك يبدأ بالهجوم عليكى ويتهمك بأنك نكديه ومش بتثقى فيه فتضطرى انك تسكتى وتقبلى برايو حتى لو انتى مش مقتنعه بيه علشان خايفه من فكره انك تخسريه كل ده نتيجه انك اتسرعتى ومعلمتيش نفسك من البدايه انك تبقى لوحدك تعتمدى ع نفسك وتتمسكى برأيك ويبقى ليكى شخصيتك المستقله لسه معرفتيش تتخلصى من الضعف إلى انتى اتربيتى عليه لسه معرفتيش تخلصى من المثل إلى بيقول (ضل راجل ولا ضل حيطه ) والحقيقة انك لما تبداى حياه جديده من غير ما تتخلصى من احساس الضعف والاحتياج على الغالب اختيارك بيكون غلط وساعتها بتعيشى كل يوم تخبطى راسك فى الحيطه لازم الاول تتعلمى انك تصممى ع رايك وموقفك لو كان صح مش من باب العند اتخلصى من مخاوفك وضعفك خلى فى اهتمامات فى حياتك علشان متخسريش كتير
فى فيلم الباب المفتوح كان أحمد بيحاول يخلى ليلى تثق فى نفسها وثقتها تبقى ناتجه عن احساس من جواها مش اكتسبتها من الآخرين كان عاوزها قبل ما تتعلق بيه وتحبو تحب نفسها ويبقى ليها هدفها الأول كان عاوزها تكون قويه بيه ومن غيرو وساعتها قالها جمله جميله اووى (لا أريدك أن تفنى كيانك فى كيانى )
مقدرش اقول أن مفيش فرق بين الراجل والست لا فيه فروق ودى طبيعه خلقها ربنا ولكن انك تفرض رجولتك وتحاول تمحى شخصيتها وكاينا دا المرفوض الراجل رجولته فى حنيته فى ايمانو بقدرات وشخصيه الانسانه إلى بيحبها رجولته فى تشجيعه ليها ع تحقيق هدفها رجولته فى انو يعلمها القوه علشان ميبقاش مهزوزه وهو بعيد عنها
زى ما وراء كل رجل عظيم امراه ؛ كمان وراء كل امرأه عظيمه رجل أمن بشخيصتها وقدراتها ????
